Porzh Gwened zo ur borzhlenn gloz, zo dalc’het 2,10 metrad dour enni d’an nebeutañ get un nor-skluz, a vez digoret hervez eurioù ar mareoù. A-du arall, evit monet d’ar porzh e ranker ivez tremen dre bont Kerinoù savet a-us ar ganol, en adraoñ d’an nor-skluz.
Digoradur pont Kerinoù
Ne vez digoret hennezh nemet d’an eurioù merket, ha nemet pa vez bagoù éc’h embreger hag a zo prest da vont en tu arall dezhañ. Ret-groñs eo eta, evit pep bag, rakwelet he fiñvadennoù evit monet a-barzh pe e-maez porzh Gwened.
Digoret e vez an nor-skluz 10 mn a-raok embregadenn gentañ ar pont ha serret e vez 10 mn àr-lerc’h an embregadenn diwezhañ. Kement-se a vez graet en ur memes tachad digoriñ.
Diwallit
Hervez ar mareoù e c’hell an nor-skluz bout digoret ur wezh pe ziv bemdez. Dav eo notenniñ ne c’hello ket bout digoret da eurioù zo ma n’eus ket trawalc’h a zour evit gwarantiñ surentez ar bagoù amaret er borzhlenn gloz. Goulenn a reer diget ar vageerion doujañ ar gouleier dre ret evit monet en tu arall d’ar pont pe d’an nor-skluz.
Evit ma ne chomo ket re bell ar c’harbedoù a-sav a-araok tremen e rank ar vageerion kuitaat ar ponton gortoz abred a-walc’h ha bout prest da vonet en un tu arall d’ar pont d’an eurioù merket er sturlevr.